Монгол телевизийн "Voice of Mongolia" шоуны шинэ улирлын эхний дугаар өчигдөр /2025.09.28/ гарсан. Тэгвэл эл шоуны зарим шүүгчид шинэчлэгдэн Реппер BIG GEE, Никитон хамтлагийн дуучин Баачка буюу Б.Батчулуун нар багтжээ. Тус шоу цацагдсан даруйдаа дуучин Баачкагийн дөрвөн жилийн өмнө хүчирхийллийн хэрэг байж болзошгүй зүйлийн талаар ярьсан нь дахин гарч ирж, үзэгчид шүүмжлэлтэй хандаж эхэллээ.

Учир юу вэ гэвэл, Одоогоос дөрвөн жилийн өмнө дуучин С.Сэрчмаа, "Никитон" хамтлагийн Б.Батчулуун буюу Баачка нарын онигоо ярьсан бичлэг цахим орчинд цацагдсан даруйдаа олон нийтийн шүүмжлэлийг хүртсэн. Тодруулбал, тэд лайв хийх үеэрээ Баачка “миний нэг найз, нэгэн бүсгүйг архи айраг хольж уулган согтоож байгаад хүчирхийлэх гэсэн чинь өөрөөс нь ... " хэмээн ярьж байжээ.

Үүнд үзэгчдийн тухайд МОНГОЛ ТВ охид эмэгтэйчүүдийг доромжилдог, хүчирхийлдэг, эрхийг нь үл хүндэтгэдэг дуучин Бачка буюу Б.Батчулууныг шоуныхаа шүүгчээр авна гэдэг нь энэ телевиз эмэгтэйчүүд бүсгүйчүүдийг доромжилж байгаагаас өөрцгүй хэрэг хэмээн шүүмжлэлтэй хандаж байна.