“Single’s Inferno” шоуны оролцогч Ча Хён Сын цусны хорт хавдартай болсон гэдгээ мэдэгдлээ

2025-09-27,   947

БНСУ-ын “Single’s Inferno” реалити шоуны оролцогч, бүжигчин Ча Хён Сын өөрийн эрүүл мэндийн талаар олон нийтэд мэдээлжээ. Тэрбээр есдүгээр сарын 27-нд Инстаграм хуудсаараа дамжуулан цусны хорт хавдар (лейкемия) туссан гэдгээ зарласан байна.

Ингэхдээ, “Зуны эхээр би яаралтай эмнэлэгт хүргэгдсэн. Тэр мөчид миний амьдрал гэнэт зогсчихсон мэт болсон. Цусны хорт хавдрын онош миний бүх мөрөөдөл, төлөвлөгөөг тэр дор нь өөрчилсөн” хэмээн бичжээ.

Тэрбээр одоо эмчилгээ хийлгэж байгаа бөгөөд өдөр бүрийн амьдралдаа итгэл найдвар, урам зоригтой байхыг хичээж буйгаа онцолсон байна. Мөн “Өдөр тутамдаа тайван, жижиг зүйлсийн үнэ цэнийг илүү их мэдэрч байна” гэжээ.

Ча Хён Сын өмнө нь дуучин Sunmi-гийн тайзны бүжигчнээр ажиллаж, олон уран бүтээлд оролцож байсан бөгөөд “Single’s Inferno” шоугаар дамжуулан олон нийтэд илүү танигдсан юм.


“Single’s Inferno” шоуны оролцогч Ча Хён Сын цусны хорт хавдартай болсон гэдгээ мэдэгдлээ
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2026 © Зохиогчийн эрх хуулиар хамгаалагдсан.