"Харанга" хамтлаг 35 жилийн ойн хүрээнд Европын долоон улсад “HARANGA35-Амьдрал” нэртэй аялан тоглолтоо хийж буй.

Харин найм дахь тоглолт болох Лондон хотын тоглолтын дараа зохион байгуулагч “The Hulegu Events” энтертайнменттай зөрчил үүсжээ. Тодруулбал, “The Hulegu Events”-ийн ажилтан цахим сүлжээнд тасалбарын орлогоос 3000 паунд, хөгжмийн хэрэгсэл түрээслэх 2000 паундын зардал гарсан ч тоглолтын дараа тохиролцсон мөнгөө өгөөгүй. Цагдаад мэдэгдэж багахан хэсгийг буцааж авсан. Мөн хамтлагийн гишүүд болон тэдний гэр бүлийнхэн зохион байгуулагчидтай бүдүүлэг харьцсан, хувийн зарим зардлаа ч тус компаниар даалгасан гэх мэдээллийг түгээсэн билээ. 

Харин "Харанга" хамтлагийн зүгээс энэхүү мэдээллийг няцаан, бид байгуулсан гэрээний дагуу бүх тоглолтоо амжилттай гүйцэтгэснийг үзэгч фенүүд минь мэдэж байгаа. Үүнээс гадна үзэгчдийг төөрөгдүүлсэн ташаа мэдээллийг цахим орчинд тарааж, бидний нэр хүндэд халдаж үндэслэлгүй, худал мэдээлсэн “The Hulegu Events” энтертаймент болон “Мэргэн” буюу н.Ганзоригт туйлын их эмзэглэж байна гэсэн юм. Түүнчлэн Дублинд болох тоглолтод зохион байгуулагч тал нь нисэх буудлаа андуурч, буруу мэдээлэл өгснөөс тоглолт нь цуцлагджээ.