МУГТ Нямбаярын Төгсцогт ирэх сарын 3-нд АНУ-ын боксчин Крис Колбертой WBA холбооны түр бүсний төлөө тулалдахаар болжээ. Манай тамирчин олон нийтийн хуудастаа “Өөр тулаанд бэлдэж байсан ч гэнэтийн санал ирээд, хүлээж авлаа” хэмээн бичсэн байна.  Мөн “Над руу утасдаж энэ талаар хэлэхэд зөвшөөрөхөөр шийдсэн. Би тулалдахыг тэсгэлгүй хүсч байна. Би ий л тулааны төлөө төрсөн хүн.  Дэвжээн дээр гараад үзэгчдэд сайн шоу харуулна” гэж хэлсэн талаар badlefthook.com цахим хуудаст мэдээлсэн байна.

Манай тамирчинтай тулалдах Крис Колбер нь мэргэжлийн бокст 15 тулалдаж нэг ч ялагдаагүй. Гэхдээ өмнө нь Н.Төгсцогтын дайны өрсөлдөгчтэй таарч байгаагүй болохыг мэргэжилтнүүд онцолж байна. Тэд Н.Төгсцогтыг өмнө нь дээд түвшний өрсөлдөгчидтэй хийсэн тулаанаараа өөрийгөө хангалттай харуулж нэр хүнд олсон нэгэн гэж тодорхойлжээ.

Крис Колберт тулааны талаар “Дахиад нэг өдөр, дахиад нэг доллар л гэж бодож байна. Нямдбаяр шилдэг тулаанаа гаргана гэдэгт итгэлтэй байгаа, учир нь тэр дэвжээн дээр мангастай тулгарна гэдгээ мэдсэн. Би дэлхий дээр хамгийн хүчтэй цохилттой нь биш байж болно оо, гэхдээ би залуусыг яаж унагах, дэжээнээс хэрхэн чирч гаргах аргыг мэднэ. Долдугаар сарын 3-нд ч ингэхийг хичээнэ” гэж ярьсан байна.

Мөн өдөр Н.Төгсцогт/12-1/-Крис Колберт /15-0/ нараас гадна Мишель Ривера (20-0, 13 KO)-Жон Фернандес (21-1, 18 KO), Ричардсон Хитчинс (12-0, 5). KO)-Дарвин Прайс (17-1, 10 KO) гэсэн тулаан болох юм байна.