ОХУ-д болж буй армийн Дэлхийн аварга шалгаруулах боксын тэмцээний эрэгтэйчүүдийн хагас шигшээ тоглолтууд өнөө орой болно. Манай улсаас 52 кг-ын жинд ОУХМ Х.Энхмандах, 57 кг-ын жинд ОУХМ Х.Энх-Амар нар тулалдах юм. Манай хоёр тамирчин өмнөх даваанд Азербайжан, Замбийн тамирчдыг тус, тус ялж хагас шигшээд үлдсэн.

Өчигдөр явагдсан эмэгтэйчүүдийн хагас шигшээ тоглолтоос 57 кг-ын жинд оролцсон ОУХМ Т.Болортуул Беларусийн Галина Бруевичийг ялан аваргын төлөө тулалдах эрхээ аваад байгаа билээ.