Олон улсын олимпын хорооноос өчигдөр мэдээлэл хийж, БНАСАУ-ын ҮОХ-той хамтын ажиллагаагаа 2022 оныг дуустал зогсоож байгаагаа зарлажээ. Одоо л танилцуулсан болохоос энэ шийдвэрийг БНАСАУ “Токио 2020” зуны олимпын наадамд оролцохоос татгалзах үед гаргасан байсан гэнэ. Гүйцэтгэх зөвлөлийн шийдвэрээр БНАСАУ-ын төлөөлөгчдийг “Бээжин 2022” олимпын наадамд хүлээж авахгүй бөгөөд санхүүжилт, хөтөлбөрүүдийг ч мөн 22 он дуустал буюу 15 сар зогсоохоор болжээ.

Олимпын хартийн 27.3-т “ҮОХ нь Олимпын наадамд баг тамирчдаа оролцуулах үүрэгтэй” гэсэн заалтыг зөрчсөн тул ийнхүү шийтгэжээ.  

БНАСАУ нь ОУОХ-ны 206 гишүүн орноос ганцаараа “Токио 2020” зуны олимпын наадмыг өнжсөн юм.