ЗХУ, АНУ-ын өрсөлдөөн дэлхийн хөгжилд хамгийн ихээр нөлөөлсөн гэдэгтэй маргах хүн гарахгүй биз. Өнгөрсөн зууны дунд үеэс эхэлсэн энэ өрсөлдөөний нэгэн гол талбар нь сансрын уудмыг эзэмших байлаа. ЗХУ энэ өрсөлдөөний эхний алхмыг хийж, 1956 онд анхны хиймэл дагуулыг дэлхийн тойрог замд оруулж чадсан билээ. Дараа нь 1961 онд Юрий Гагарин сансарт нисч түүхэнд нэрээ гаргасан. АНУ энэ үед дорвитой үр дүн гаргаагүй ч бас зүгээр байгаагүй. НАСА-гийн эрдэмтэд олон дахин ашиглах хөлөг бүтээх ажилд анхаарал хандуулж байсан учир анх удаа хүн нисгэх боломжийг ЗХУ-д алдсан юм. Оросуудын хувьд, нэг удаагийн буюу дахин ашиглах боломжгүй хөлгөөр дээрх түүхэн амжилтуудаа гаргасан юм. Ингээд олон дахин ашиглах боломжтой хөлөг бүтээгдсэний дараа АНУ саран дээр хүн буулгасан анхны улс болсон билээ. АНУ-д “Агуу найман Армстронг” гэсэн ойлголт бий. Жаз дуучин Луи “Сачмо” Армстронг, анхны "Кинг Конг" кинонд бүтээсэн дүрээрээ алдаршсан жүжигчин Роберт Армстронг зэрэг алдартнууд энэ ойлголтод хамаарна. Хамгийн сүүлд дугуйчин Лэнс Армстронг “Тур де Франс” олон өдрийн уралдаанд долоон удаа түрүүлж, агуу гэж нжрлэгдэх болсон байдаг. Тэгвэл саран дээр буусан анхны хүн болох Нейл Армстронг энэ түүхэн амжилтаараа мөн л агуу хүмүүсийн тоонд багтсан байдаг юм.

Гэхдээ “Хүн саран дээр буугаагүй, АНУ дэлхий нийтийг маш зохион байгуулалттайгаар залилсан” гэсэн шуугиан гарах хүртэл энэ зураг хүн төрөлхтний ололт амжилтын бэлэг тэмдэг болж байсан түүхтэй. Хүн саран дээр буусан уу үгүй юу гэдэг нь тусдаа асуудал учир энэ удаа орхив.