Хөвсгөл аймагт хүүхэд, багачуудын дунд шатрын спортыг сурталчлах, түгээн дэлгэрүүлэх, хүүхдийн авьяас, ур чадварыг дэмжин хөгжүүлэх зорилготой зохион байгуулдаг “Цодгор хүү-2025” тэмцээн эхэллээ.

Тэмцээнд 21 сургууль, 8 цэцэрлэгийн 200 хүүхэд 4 насны ангилалд өрсөлдөж байна.

“Цодгор хүү-2025” тэмцээнийг хүүхэд, боловсролын байгууллагын ахмад ажилтан, Ардын боловсролын тэргүүний ажилтан Р.Дамдинсүрэн агсны нэрэмжит болгон 34 дэх жилдээ аймгийн Шатрын холбоо, Хүүхэд, гэр бүлийн хөгжил, хамгааллын газар хамтран зохион байгуулж байна.

Тэргүүн байрт шалгарсан хүүхдүүд улсын аваргад оролцох эрх авах юм.