Хөгждөггүй хөлждөггүй бас дампуурдаггүй, дарга нарын далд түрийвч болсон нэрийнхээ яг эсрэг банк бол хөгжлийн банк билээ. Монголын ард түмний мөнгөөр хэдэн их наядын хөрөнгөөр эхэлсэн ч эцэс сүүлд нь модоо бариад өрөө тэврээд үлдсэн энэ банкийг яг яах ёстойгоо шийдвэр гаргагчид, хууль тогтоогчид мэдэхээ байгаад удсан билээ.

Тэгвэл хөгжлийн банкны захирлаар эдийн засагч, хуульч З.Нарантуяа очсоноор хийх ажлын төлөвлөгөө, хэлэлцэх асуудлын жагсаалтаа сэтгүүлчдэд нээлттэй танилцууллаа.

Хөгжлийн банкийг “экзим” банк болгохоор зорьж 2-3 жилийн дотор 7-20 их наядын эх үүсвэр босгож түүгээрээ ач холбогдол бүхий төслүүдийг санхүүжүүлэх том амбицтай байгаагаа мэдэгдэв. Мэргэжлийн хүний тодорхой стратеги, алсын хараа хөгжлийн банкийг хөгждөггүй гацаанаас гаргах найдвар төрүүлж байна. Гагцхүү улс төрчид нь холхон байж урт гараа дүрэхээс хамгаалдаг хуулийн шинэчлэл хэрэгтэй байна.