Монгол Улсын Засгийн газрын хэрэгжүүлэгч агентлаг Боловсролын ерөнхий газар болон “Хангай” олон улсын дээд сургууль хамтран ерөнхий болон мэргэжлийн боловсролын багш нарт Хиймэл оюуны /AI/ анхан шатны болон гүнзгийрүүлсэн сургалт явуулж, сургагч багш бэлтгэх, аймаг, нийслэлийн Боловсролын газар, хэлтсийг түшиглэн Хиймэл оюуны “Show room” байгуулах, сургуулиудад ашиглаж байгаа компьютер, хиймэл оюун ухааны тоног төхөөрөмжийг засварлах, хүчин чадлыг нэмэгдүүлэх чиглэлээр "Санамж бичиг"-т гарын үсэг зурлаа.

Хиймэл оюуны /AI/ анхан шатны болон гүнзгийрүүлсэн сургалтын хөтөлбөрийг хамтран боловсруулах, батлах, 

Хиймэл оюуны /AI/ сургалтын мэдээллийг боловсролын сургалтын байгууллагуудад хүргэх, зөвлөгөө мэдээллээр хангах, 

Хиймэл оюуны /AI/ сургалтыг батлагдсан хөтөлбөрийн дагуу чанартай зохион байгуулах, сургагч багш нарыг сертификатжуулна. 

Аймаг, нийслэлийн Боловсролын газар, хэлтсүүдийг түшиглэн хиймэл оюуны “Show room” байгуулахад шаардагдах зардлыг эрх бүхий байгууллагад уламжлах, хөрөнгийн эх үүсвэрийг шийдвэрлэхэд хамтран ажиллана гэж Боловсролын ерөнхий газраас мэдээллээ.