Монголын уулчдын үндэсний холбооноос Эверестийн оргилд хүчилтөрөгч, шерпа нарын тусламжгүй авирч чадсан уулчин Ц.Өсөхжаргал, уулчин Л.Пүрэвсүрэн агсанд олон улсын хэмжээний мастер цол нөхөн олгох шийдвэр гаргажээ.

Монголын уулын спортын түүхэнд шинэ хуудас нээсэн уулчид гэдгийг тус холбооноос мэдэгдэж байсан юм.

Уулчин Ц.Өсөхжаргал, Л.Пүрэвсүрэн, Д.Отгонхүү нар 2024 оны тавдугаар сард Эверестийн оргилд нэмэлт хүчилтөрөгчгүй, шерпагийн тусламжгүй гарахаар зорилго тавьсан юм.  Гэвч  уулчин Д.Отгонхүүгийн биеийн байдал муудсан тул үндсэн кэмптээ эргэн ирсэн бол Ц.Өсөхжаргал, Л.Пүрэвсүрэн нар авиралтаа цааш үргэлжлүүлж, Эверестийн оргилд гарч чадсан ч буух явцдаа амь эрсдсэн байх магадлалтайг албаныхан мэдээлж байв. Тэд хүсэл мөрөөдлөө биелүүлж, Монголын мянга мянган иргэн, уулын спортоор хичээллэдэг хүмүүс бахархал болж чадсан юм.