Олон Улсын гэр бүлийн өдөр”-т зориулсан “Гэр бүл амжилтын үндэс” арга хэмжээг Нэгдсэн үндэстний байгууллагын Хөгжлийн хөтөлбөртэй хамтран энэ оны 05 дугаар сарын 15-ны өдөр Цагдаа, дотоодын цэргийн анги байгууллагын алба хаагчдын дунд зохион байгууллаа.

Гэр бүлийн хүчирхийллээс урьдчилан сэргийлэх тус арга хэмжээнд олны танил Монгол Улсын хөдөлмөрийн баатар, ардын жүжигчин П.Цэрэндагва, Монгол улсын аварга С.Мөнхбат, Андра академийг үүсгэн байгуулагч мисс, топ модель Х.Бадамгэрэл, “Мета” төвийн захирал, сэтгэл судлаач Д.Пүрэвсүрэн, Хүний эрхийн үндэсний комиссын гишүүн Х.Цэцгээ зэрэг хүмүүсийг оролцуулан “Гэр бүлийн харилцаа, үнэ цэнэ, эерэг уур амьсгалыг сурталчлах, кэйс, сайн туршлага хуваалцах, гэр бүлийн гишүүд бие биенийгээ ойлгон хүндэтгэх, хайрлах, үр хүүхдээ эрүүл, амар тайван өсгөх, гэр бүлийн ахмад гишүүдээ хүндэтгэн халамжлах, түшиг тулгуур нь байж, дэмжин хамтдаа хөгжих оролцоо” сэдвээр оролцогчдод мэдээлэл өгч, тулгамдаж буй асуудлын талаар хэлэлцүүлгийг зохион байгуулсан.



Энэхүү арга хэмжээнд Цагдаа, дотоодын цэргийн анги, байгууллагын 200 алба хаагчид гэр бүлийн хамт хамрагдсан бөгөөд гэр бүлийн эерэг харилцаа, хүчирхийллийн хор уршиг, хүчирхийлэлгүй нийгмийг төлөвшүүлэхэд хүн бүрийн үүрэг, оролцооны талаарх ойлголт, мэдлэг нэмэгдсэн үр дүнтэй арга хэмжээ болсон.



Мөн: Нэгдсэн үндэстний байгууллагын Хүн амын сан, Европын холбоотой хамтран “Жендэрийн тэгш байдал үндэсний чадавхийг бэхжүүлэх нь 2024-2025” төслийн хүрээнд нутаг дэвсгэр хариуцсан цагдаагийн байгууллагын алба хаагчдад GBV цахим сангийн мэдээлэлд дүн шинжилгээ хийх, ашиглах, тайлагнах талаар “Гэр бүлийн хүчирхийллийн өгөгдөлд дүн шинжилгээ хийх” суурь сургалтыг 11 дүгээр сарын 12, 13-ны өдрүүдэд зохион байгуулан ажилласан.

Сургалтанд Цагдаагийн ерөнхий газрын Урьдчилан сэргийлэх газрын Гэр бүлийн хүчирхийлэл хүүхдийн эсрэг гэмт хэрэг, зөрчлөөс урьдчилан сэргийлэх хэлтэс, Мэдээлэл, дүн шинжилгээ шуурхай удирдлагын алба, Мөрдөн байцаах албаны Хүүхдийн эсрэг болон хүүхдээс үйлдсэн гэмт хэрэг мөрдөх хэлтсийн нийт 15 алба хаагч хамрагдан Сургагч багшаар бэлтгэгдсэн.