Засгийн газрын Хяналт хэрэгжүүлэх газрын албан хаагчид өнөөдөр /2024.12.18/ “Нэгдсэн менежментийн тогтолцооны дотоод аудитор” боллоо. 

Тодруулбал, Тус газрын 22 алба хаагч “Нэгдсэн менежментийн тогтолцооны стандарт”, “Чанарын менежментийн тогтолцоо ISO:9001 стандартыг орон нутгийн засаг захиргаанд хэрэглэх арга зүйн заавар, авлигын эсрэг менежмент, эрсдэлийн удирдлагын менежмент, аудитын арга зүй” сэдэвт дотоод аудитор бэлтгэх сургалтад хамрагдсан байна. 

Улмаар, Засгийн газрын Хяналт хэрэгжүүлэх газрын дарга Ч.Өнөрбаяр “Нэгдсэн менежментийн тогтолцооны дотоод аудитор” гэрчилгээг гардуулсан юм. Энэ үеэр тэрбээр, "Төрийн байгууллагад Олон улсын менежментийн тогтолцооны стандартуудыг үр дүнтэй хэрэгжүүлэх, хяналт шалгалтын мониторингийн үйл ажиллагааг бүтээмжтэй үр нөлөөтэй болгох, албан хаагчдын аудит хийх ур чадварыг нэмэгдүүлэх арга зүйд суралцсан үр дүнтэй сургалт болсныг онцолсон" юм.