Улсын хэмжээнд орон нутагт он удаан жил царцсан биеийн тамир, спортын барилга байгууламж багагүй байв.

Тэгвэл 2024 онд Биеийн тамир, спортын салбарын хөрөнгө оруулалтаар олон жил удааширсан бүтээн байгуулалтуудыг ашиглалтад оруулжээ. Тодруулбал, Дархан-Уул аймгийн 2200 хүний суудалтай усан бассейн бүхий спорт цогцолбор, Налайх дүүргийн 700 хүний суудалтай усан бассейн бүхий спорт цогцолбор, Сүхбаатар аймгийн Баруун-Урт сумын 700 хүний суудалтай спортын ордны барилгын ажлыг дуусгаж, тэмцээн уралдаан зохион байгуулж эхэлсэн билээ. Түүнчлэн Төв аймгийн Жаргалант сумын спорт заалны барилгыг улсын комисс хүлээн авчээ.

Харин ирэх онд Хөвсгөл аймгийн Мөрөн суманд 700 хүний суудалтай спорт цогцолбор, Архангай аймгийн Эрдэнэбулган суманд 1000 хүний суудал бүхий спорт цогцолбор, Дорнод аймгийн Хэрлэн суманд 1000 хүний суудалтай усан бассейн бүхний спорт цогцолбор, Багахангай дүүрэг, Говь-Алтай аймгийн Бигэр суманд 150 хүний суудалтай спорт заалыг барьж