Нийслэлийн Онцгой байдлын газрын удирдах бүрэлдэхүүний өргөтгөсөн шуурхай хурал өнөөдөр боллоо. Хурлын үеэр бүтцийн нэгжүүдийн 2024 оны ажил, үйлчилгээг шалгасан дүн болон жилийн ажлын үнэлгээгээр хамт олноо хошуучлан манлайлж, шилдгээр шалгарсан алба хаагчдыг танилцууллаа. Хурлын төгсгөлд дарга, хурандаа А.Дашням Монгол Улсын Шадар сайдын 2024 оны “Өвөлжилтийн бэлтгэл ажил хангах талаар авах зарим арга хэмжээний тухай” 103 дугаар тушаалын хэрэгжилтийг нийслэл, дүүргийн Онцгой комисс, холбогдох мэргэжлийн байгууллагын хүрээнд хангуулан, шуурхай бүлэг томилон, удирдлага зохион байгуулалт, мэргэжил арга зүйгээр хангаж ажиллах, аврах ажиллагаа болон гал унтраах ажиллагааны үеэр алба хаагчдын хөдөлмөр хамгаалал, аюулгүй ажиллагааг хангах чиглэлээр холбогдох дүрэм журмыг мөрдүүлэх, гамшгаас урьдчилан сэргийлэх арга хэмжээг эрчимжүүлж, олон нийтэд сэрэмжлүүлэг мэдээллийг шуурхай хүргэх, бие бүрэлдэхүүний сахилга хариуцлагыг дээшлүүлж хяналт тавьж ажиллахыг нийт удирдах бүрэлдэхүүнд үүрэг болголоо.