Нийслэлийн есөн дүүргийн 10 хосын гэрлэх ёслол өнөөдөр боллоо. Гэрлэх ёслолын ордоноос нийгмийн хариуцлагынхаа хүрээнд, жил бүр зорилтот бүлгийнхэнд зориулан уламжлал болгон зохион байгуулдаг эл үйл ажиллагаанд энэ удаа 5-30 жил амьдарсан хосууд багтжээ.

Ирээдүйн амьдрал ариун хайраа бататган холбох залуу хосын аз жаргалант амьдралаа бэлгэдэн хатан сүйх, хаан бугуйвчтай шижир алтан бөгж солилцон зүүдэг уламжлал 1976 оноос хойш тогтон ирсэн ба гэрлэх ёслолын ордон хагас зууныхаа ойг хоёр оны дараа тэмдэглэнэ.