Сексцагаанбогд буюу рэппер Б.Гантулга нь Ерөнхий сайдын зөвлөхөөс өөрийн хүсэлтээр чөлөөлөгдөх хүсэлтээ өгчээ

2024-12-02,   54

Ерөнxий сайд Л.Оюун-Эрдэнийн "Залуучуудын асуудал xариуцсан" зөвлөx Сексцагаанбогд буюу рэппер Б.Гантулга нь бусдын биед халдсан байж болзошгүй бичлэг өнгөрсөн есдүгээр сар /2024.09/-д олон нийтийн цахим сүлжээнд цацагдаж, улмаар тус хэргийг шалган прокуророос Зөрчлийн тухай хуулийн 5.3 дугаар зүйлийн 1 дэхь хэсэгт заасны дагуу түүнийг 100 мянган төгрөгөөр торгох шийтгэл оногдуулсан талаар бид өмнө мэдээлсэн.  

Тэгвэл рэппер Б.Гантулга нь өнөөдөр /2024.12.02/ Ерөнхий сайдын зөвлөхөөс өөрийн хүсэлтээр чөлөөлөгдөх хүсэлтээ өгчээ.

Олон нийтийн сүлжээнд цацагдсан дүрс бичлэгт, “Б.Гантулга нь газарт суусан нэгэн эмэгтэй рүү дайрч "хачин ...  гэртээ харь за юу. хүнээс илүү юм шиг битгий тэг за юу" зэргээр хараалын үг байгаа нь гардаг. Харин тус бичлэгийг хийж буй иргэн "эмэгтэй хүн зодож байна. Сексцагаанбогд байна" гэж ярьдаг. Б.Гантулгад зодуулсан байж болзошгүй эмэгтэй нь түүний найз охин Н.Урин байсан гэдэг нь тодорхой болсон. Тэрбээр цахим сүлжээнд, “Б.Гантулга бид хоёрын хосын маргааны хамгийн хурцадмал дүр зургийг хөндлөнгийн үл таних этгээд бичиж авсан” гэж мэдэгдсэн билээ. 


Сексцагаанбогд буюу рэппер Б.Гантулга нь Ерөнхий сайдын зөвлөхөөс өөрийн хүсэлтээр чөлөөлөгдөх хүсэлтээ өгчээ
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.