ХӨСҮТ-өөс Томуу, томуу төст өвчний нөхцөл байдал, урьдчилан сэргийлэх асуудлаар мэдээлэл өглөө.

ХӨСҮТ-ийн Эмнэлгийн тусламж үйлчилгээ эрхэлсэн дэд захирал Э.Одмаа хэлэхдээ, “Өнгөрсөн долоо хоногт ХӨСҮТ-ийн Томуугийн хүлээн авах яаралтай тусламжийн тасагт томуу өвчний улмаас 254 хүн үйлчлүүлэгч үйлчлүүлж, тусламж үйлчилгээ авсан. Үүний 50 хувийг 2 хүртэлх насны хүүхэд эзэлж байна. ХӨСҮТ-д одоогоор нийт 442 хүн эмнэлгийн тусламж үйлчилгээ авч байгаагаас 196 нь томуу, томуу төст өвчний улмаас хандсан.  Бид өдөрт хоногт 80-90 хүүхдэд томуу, томуу төст өвчний тусламж үйлчилгээ үзүүлж, шаардлагатай тохиолдолд тасаг руу шилжүүлж байна” гэв.