Сүхбаатар аймгийн Түмэнцогт сумын Баянцагаан багийн “Жавхлант” гэдэг газар /аймгийн төвөөс хойд зүгт 115 км, сумын төвөөс урд зүгт 32 км/ Хээрийн гал түймэр гарсан тухай дуудлагыг арваннэгдүгээр сарын 17-ны өдрийн 15:25 цагт ОБЕГ хүлээн авсан байна.

Дуудлага мэдээллийн дагуу тус аймгийн Түмэнцогт сум дахь Эрэн хайх, аврах бүлгийн алба хаагчдыг Мөнххаан сумын Мэргэжлийн ангийнхан очиж хээрийн гал түймрийг унтраах ажиллагааг зохион байгуулан цурамд оруулан,  бүрэн унтраасан. Урьдчилсан байдлаар хээрийн гал түймэрт 105 га талбай өртөж шатжээ.