“FC Barcelona” клубийн Ерөнхийлөгч ноён Жоан Лапорта Монгол Улсад хийж буй айлчлалынхаа хүрээнд "Говь"-ийн Галлериа салбар дэлгүүрээр зочлон, талууд хамтран ажиллах чиглэлээ харилцан тохиролцсон юм.

Ингэснээр “Говь” брэнд нь түүхийн шинэ хуудсаа нээж, Монгол улсаас анх удаа дэлхийн нэр хүндтэй спортын клубтэй албан ёсоор хамтарч байгаа юм. Тус хамтын ажиллагаа нь Говь брэндийн чанартай ноолууран бүтээгдэхүүнийг дэлхийн зах зээлд сурталчилж, Монгол ноолуурын үнэ цэнийг олон улсын хэрэглэгчдэд хүргэхэд томоохон дэмжлэг үзүүлэх билээ. Харин тун удахгүй хөлбөмбөг сонирхогч, тэр дундаа “FC Barcelona” багийн үнэнч фанатуудын хувьд дэмждэг багийнхаа лого бүхий ноолууран онцгой загваруудыг албан ёсоор Говийн бүх салбар дэлгүүрээс худалдан авах боломжтой болно.