Бүх бизнест бүдүүлгээр орж ирдэг билэг танхай бизнесмэн “Таванбогд”-ын Ц.Баатарсайханы сүүлийн үед шинэ нисэх буудлын ноолууран бүтээгдэхүүний тасгийг эзэгнэхээр болов. Ингэхдээ бизнесийн соёл, ёс суртахуун, хамгийн гол нь сонгон шалгаруулалтын дүрэм журам, шударгаар өрсөлдөх зарчмыг зөрчиж байгаа нь анхаарал татлаа.

Сонгон шалгаруулалтыг шинэ нисэх буудал буюу “Нью Улаанбаатар Интернэйшнл Эйрпорт” компаниас зарласан бөгөөд холбогдох бичиг баримтыг энэ оны 10 дугаар сарын 8-ны дотор хүлээн авч хариуг 11 дүгээр сард мэдэгдэхээр зарласан. Гэтэл сонгон шалгаруулалтад оролцогч Говь компани нь шинэ нисэх буудалд ажиллах хүмүүсээ бүр энэ сарын 6-ны өдөр гэхэд хэдийнэ бүртгээд эхэлчихсэн байна. Энэ нь шалгаруулалтын хариуг урьдчилан гаргаад шалгарчихдаг зүй бус үйлдэл бөгөөд луйврын гэмээр энэ “монгол” аргаа ноён Ц.Баатарсайхан япон менежментэд хэрхэн нөлөөлж хэрэглэж чадсан нь сонирхолтой.