АНУ-ын Ерөнхийлөгчийн сонгуульд ялалт байгуулаад буй Д.Трамп сонгуулийнхаа кампанит ажлынхаа үеэр долоон мөрийн хөтөлбөрийг дэвшүүлж, олон нийтэд амлалт өгсөн. 

Тодруулбал,тэрээр "хууль бус цагаачдыг албадан гаргана", "2020 оны АНУ-ын Ерөнхийлөгчийн сонгуулийн дараа Капитол Хиллд жагсаал зохион байгуулж, үймээн самуун дэгдээсэн хэргээр шүүхээс ял аваад буй хүмүүсийг цагаатгана", "Үр хөндөлтийг үндэсний хэмжээнд хорихгүй", "Украины дайныг дуусгана" зэрэг долоон мөрийн хөтөлбөрийг дэвшүүлсэн юм. 

Харин дэлхий нийт Д.Трампын "Украины дайныг дуусгана" гэсэн амлалт руу ихээхэн анхаарч байгаа юм. Учир нь Д.Трамп Украины дайнд зориулж олон тэрбум ам.долларыг тусламжийг үзүүлж ирснийг хатуу шүүмжилж ирсэн хэдий ч Орос, Украины дайныг ямар нөхцөлтэйгээр дуусгах талаар тодорхой мэдээллийг өгөөгүй байгаа юм.