НҮБ-ын Хөгжлийн хөтөлбөрийн Суурин төлөөлөгч Матилда Димовска Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Т.Даваадалай, Нийгмийн салбар, ногоон хөгжил болон агаар, орчны бохирдлын асуудал хариуцсан орлогч А.Амартүвшин тэргүүтэй албаны хүмүүстэй уулзлаа. 

Монгол Улсад нүүрстөрөгчийн зах зээлийг хөгжүүлэх, тогтвортой санхүүжилтийн схемийг боловсруулахын чухал ач холбогдлыг хэлэлцэж, Улаанбаатар хотын гэр хорооллын айл өрхүүдэд сэргээгдэх эрчим хүчинд түшиглэсэн халаалтын шийдлийг нэвтрүүлэх замаар агаарын бохирдлыг бууруулах хүрээнд хамтын ажиллагааг өргөжүүлэх талаар санал солилцов гэж НҮБ-ын Хөгжлийн хөтөлбөрөөс мэдээллээ.