Counter Strike-2 (CS2) тоглоомын Thunderpick World Championship 2024 тэмцээн Германы Берлин хотод зохион байгуулагдлаа. 

Тус тэмцээнд Монголын "The MongolZ" баг Данийн "HEROIC" багийг хожин түрүүлснээр аваргын цом, 500 мянган ам.долларын /1.7 тэрбум төгрөг/ эзэн боллоо. Тодруулбал, тэмцээнд урилгаар оролцсон Монголын "The MongolZ" баг финалд Данийн "HEROIC" багийг 3-1 (Dust II 13-8, Ancient 6-13, Anubis 13-11, Mirage 13-2) харьцаагаар хожиж аваргалсан юм. Нийт дөрвөн map-ын шилдгээр багийн ахлагч Бямбасүрэнгийн "bLitz" Гарьдмагнай +18 frag, 88.8 ADR, 1.32 rating-тэй нэрлэгдсэн байна.