Улаанбаатараас Дархан чиглэлийн авто замд халтиргаа үүсэж, том оврын авто машин осолдсон байна. 

Цаг уур, орчны шинжилгээний газрын мэдээлснээр өнөөдөр буюу аравдугаар сарын 21-нд зүүн аймгуудын нутгийн хойд хэсгээр нойтон цас, цас үргэлжлүүлэн орж, цасан шуурга шуурч үзэгдэх орчин хязгаарлагдах төлөвтэй байна. Иймд цаг агаарын нөхцлөөс шалтгаалсан улсын чанартай томоохон авто замууд дээр халтиргаа гулгаа ихээр үүсэж, үзэгдэх орчин хязгаарлагдмал байгаа тул аль болох холын зайд зорчихгүй байх, зайлшгүй зорчих тохиолдолд автомашины бүрэн бүтэн байдлыг сайтар хангахыг зөвлөлөө.