Аймаг, нийслэл, сум, дүүргийн ИТХ-ын сонгуулийн санал хураалт үргэлжилж байна. 12:30 цагийн байдлаар улсын хэмжээнд сонгогчдын ирц 22.2 хувьтай байгаа талаар СЕХ-ноос мэдээллээ. Ирцийн мэдээллийг бүсээр нь авч үзвэл,

Орон нутагт Сүхбаатар аймагт ирц хамгийн өндөр буюу 36.1 хувь байгаа бол хамгийн бага нь Дархан-Уул аймаг 20.2 хувьтай байна. Харин нийслэл Улаанбаатар хотын ирц хамгийн бага буюу 17.8 хувьтай санал хураалт үргэлжилж байгаа юм.

Нийслэл дэх ирцийг дүүргээр нь ангилвал, Багахангай, Багануур дүүрэг тэргүүлж байгаа бол Хан-Уул дүүрэгт ирц хамгийн сул буюу 17.1 хувьтай байгаа талаар СЕХ-ноос мэдээллээ.