Нийслэлийн Сонгинохайрхан дүүргийн 286-р цэцэрлэгийн барилга ашиглалтад ороод хоёр дахь жилдээ болж байгаа ч барилгын хана цуурч нурснаас эрсдэл үүсэж, хүүхдүүд нь цэцэрлэгт явах боломжгүй болоод байгаа билээ.

Тэгвэл тухайн цэцэрлэгийн барилгыг бүрэн буулгахгүй, харин цуурсан ханыг дахин засварлаж, ашиглалтад оруулна гэдгийг албаныхан тодотголоо. Тодруулбал,  Нийслэлийн Боловсролын газрын мэргэжилтэн С.Билэгбаатар “286 дугаар цэцэрлэгийг нураахгүй. Харин хөдөлгөөн орсон цуурсан ханыг дахин засна. Тухайн барилгын зураг, төсвийг нь 60 сая төгрөгөөр боловсруулсан компани энэ зардлыг гаргах ёстой" гэжээ.