“Улаанбаатар-2024” боксын Дэлхийн цомын тэмцээн өчигдөр эхэлсэн. Тус тэмцээн нь анх удаагаа Азид тэр дундаа Монгол Улсад зохион байгуулагдаж байгаагаар онцлог.

Энэ сарын 23-26-ний өдрүүдэд UG Arena-д үргэлжлэх тэмцээнд Англи, Герман, Япон, Сингапур, Итали, Вэйлс, Австрали, Перу, Өмнөд Солонгос, БНХАУ, Филиппин зохион байгуулагч Монгол Улсын нийт 170 тамирчин өрсөлдөж байна. Энэхүү тэмцээнээр анх удаа World Boxing холбооны эрэмбийн оноог өгөх болно.