Засгийн газраас 2025 онд баримтлах бодлогын тэргүүлэх чиглэлд амьдралын чанарыг дээшлүүлэх зорилтыг тусгажээ. Энэ хүрээнд автозамын түгжрэлийг бууруулахад RFID технологийн хөгжүүлэлтийг дуусгаж, ашиглалтад оруулахаар төлөвлөжээ. Радио давтамжаар таних систем буюу уг технологи нь замын хөдөлгөөний танхайрлыг зогсоож, зохиомол түгжрэлийг 20% бууруулах боломжтойг тухайн үеийн Түгжрэлийн сайд Ж.Сүхбаатар онцолж байлаа.

RFID техникийн цахим гэрчилгээг автомашинуудад наах ажлыг 2023 оны долдугаар сараас эхлүүлэхээр бэлтгэл ажил хангагдаж байв. Улмаар 2024 оны нэгдүгээр сарын 1-нээс тээврийн хэрэгслүүдэд нааж эхэлжээ. Одоогоор RFID цахим гэрчилгээгээр бүртгэлжүүлэх ажил 50 орчим хувьтай байгааг Зам тээврийн яамнаас мэдээлсэн билээ.