Парис 2024 олимпын наадмаас жүдо бөхийн эмэгтэйчүүдийн төрөлд мөнгөн медаль хүртсэн Монгол Улсын гавьяат тамирчин Б.Баасанхүүг Хууль зүй, дотоод хэргийн сайд О.Алтангэрэл, Шүүхийн Шийдвэр Гүйцэтгэх Ерөнхий Газрын дарга Б.Нандинболор нар хүлээн авч хүндэтгэл үзүүлжээ. Б.Баасанхүү нь ШШГЕГ-ын харьяа "Сүлд" спорт хорооны тамирчин юм. 

Хууль зүй, дотоод хэргийн яамнаас гавьяат тамирчин Б.Баасанхүүгийн хичээл зүтгэлийг үнэлэн гурван өрөө орон сууц олгохоор болж, батламжийг нь гардуулжээ. 

Ташрамд дурдахад, Б.Баасанхүү нь өнөөдөр Монгол Улсын гавьяат тамирчин цол хүртсэн билээ.