Өнгөрсөн наймдугаар сарын 28-ны өдөр приус-20 маркийн тээврийн хэрэгслийн жолооч Хан-Уул дүүргийн  дөрөвдүгээр хороо “Шинэ өргөө” хотхоны хүүхдийн тоглоомын талбай мөргөсөн осол гаргасан. Осолд 6-9 насны дөрвөн хүүхэд өртөж гэмтсэн билээ.

 Хүүхдүүдийн биеийн байдал ямар байгааг Гэмтэл согог судлалын үндэсний төвөөс /ГССҮТ/ тодруулахад, тухайн өдөр 6-9 насны дөрвөн хүүхэд ирсэн. Зургаан настай хүүхдийг амбулаторын эмчийн хяналтад буцаасан. Бусад гурван хүүхдийн хувьд цээжний зөөлөн эдийн гэмтэл, тархины доргилт гар бугуйны хугарал гэсэн оноштой хавсарсан гэмтлийн тасагт хоёр хүүхэд мэс заслын тасагт нэг хүүхэд хэвтэн эмчлүүлж байгаад биеийн байдал тогтворжиж эмнэлэгээс гарсан. Эмчийн хяналтад байгаа гэж мэдээлэв. Харин Цагдаагийн ерөнхий газрын хэвлэл олон нийттэй харилцах албанаас, ослын эцсийн дүгнэлт гараагүй байна гэсэн юм.