Хүннү рок урсгалаар дэлхийд танигдсан "The Hu" хамтлаг өнөөдрөөс Европ дахь тоглолтоо эхлүүлж байна. Тэд Финланд, Эстони, Латви, Польш, Герман, Чех, Австри, Итали, Хорват, Швейцар, Франц, Испанид энэ сарын 26-ныг хүртэл тоглох юм. Тоглолтын тасалбарын үнэ хотоосоо шалтгаалан 35-45 еврогийн үнэтэй байх аж.

Европ дахь аялан тоглолтоо дуусгаад ирэх сарын 12-ноос арваннэгдүгээр сарын 17-ныг дуустал АНУ болон Канадын 27 хотод тоглолтоо хийнэ. Тоглолтын энгийн тасалбар 48 ам.доллароос эхлэх бол VIP тасалбар нь 190 ам.долларын үнэтэй байх юм байна.