Усанд сэлэлтийн төрөлд Монгол Улсаас анх удаа паралимпын наадамд хурд сорьсон Х.Номуун өнөөдөр эмэгтэйчүүдийн 50 метрийн чөлөөт сэлэлтийн төрөлд хурд сорилоо.

Энэ төрөлд 14 тамирчин уралдсанаас манай тамирчин 47.77 секундээр барианд оржээ. 

БНХАУ-ын тамирчин Юү Ян Жан 32.70 секундэд замаа дуусгаснаар паралимпын дээд амжилтыг шинэчлэв. Харин манай тамирчинтай цуг нэг гараанд уралдсанд АНУ-ын Элли Маркс 33.05 секундэд барианд орсноор улсынхаа рекордыг эвдсэн байна.

Түүнчлэн Украин, Канад, Ирланд, Швейцар, Бразил, БНХАУ-ын усанд сэлэгчид эхний наймд орсноор шигшээд уралдах эрхтэй боллоо.