Боловсролын сайд П.Наранбаяр OХУ-аас Монгол Улсад суугаа Онц бөгөөд Бүрэн Эрхт Элчин сайд А.Н.Евсиковыг хүлээн авч уулзжээ.

Уулзалтаар хоёр улсын боловсролын салбарын хамтын ажиллагаа, нэн ялангуяа тэтгэлэгт хөтөлбөрт инженерийн чиглэлээр суралцах оюутны тоог нэмэгдүүлэх чиглэлээр санал солилцсон байна.

Түүнчлэн их, дээд сургуулиудын хамтын ажиллагааны хүрээнд эрдэм шинжилгээний бага хурлыг зохион байгуулах боломж, орос суралцагчдыг Монгол Улсад суралцуулах талаар ярилцжээ.

Эх сурвалж: БШУЯ