Улаанбаатар хотын нутаг дэвсгэрт байлдааны зориулалттай сум тээвэрлэж явсныг илрүүлжээ.

Энэ талаар ЦЕГ-ын Урьдчилан сэргийлэх газрын хэвлэл мэдээлэл, олон нийттэй харилцах хэлтсийн редактор, ахлах дэслэгч Б.Уранцацрал "Энэ оны наймдугаар сарын 21-ний өдөр нийслэлийн Сонгинохайрхан дүүргийн 14 дүгээр хорооны нутаг дэвсгэрт байрлах орон сууцны гадна байлдааны зориулалттай их хэмжээний сумыг автомашинд тээвэрлэж явсан иргэн Б-г саатууллаа.

Тухайн иргэн өөрийн эзэмшлийн тээврийн хэрэгсэлд байлдааны зориулалттай, 7.62 мм-ийн голчтой, 1,500 ширхэг сум тээвэрлэж явжээ.

Эрүүгийн хуулийн тусгай ангийн 20.4 дүгээр зүйлд заасан гэмт хэргийн шинжтэй үйлдэлд мөрдөн шалгах ажиллагаа явуулж байна" гэж мэдээллээ.