Орос-Монголын “Сэлэнгэ-2024” хамтарсан цэргийн сургуулилалт Монголд болж, хуурай замын цэрэг, агаарын цэргийн хүчин, тусгай ажиллагааны ангиас 700 орчим цэрэг, 200 орчим техник хэрэгсэл оролцсон талаар Тасс агентлаг мэдээлжээ. 

Орос-Монголын хамтарсан сургуулилтад анх удаа FPV нисгэгчгүй онгоц оролцсон бөгөөд тусгай хүчний ангиуд Ми-8 АМТШ нисдэг тэрэгнээс агаарт буулт хийжээ. Орос-Монголын хамтарсан цэргийн  сургуулилалтыг 2008 оноос хойш жил бүр зохион байгуулж байна. 2011 онд сургуулилалтыг “Сэлэнгэ” гэж нэрлэсэн бөгөөд энэ нь Монгол Улсын нутаг дэвсгэрээс эх авч, Зүүн Сибирийн Бүгд Найрамдах Буриад Улсын нутгаар урсаж, Байгаль нуурт цутгадаг голын нэр юм.