"Парис-2024" зуны XXXIII олимпын наадмын хүндийн өргөлтийн тэмцээний эмэгтэйчүүдийн 81 кг-ын жинд Монгол Улсын гавьяат тамирчин, дэлхийн аварга М.Анхцэцэг оролцож, огцом өргөлтийн төрөлд 100 кг-ыг, түлхэлттэй өргөлтөөр 125 кг-ыг амжилттай өргөсөн юм. Гэвч түүний хувьд олимпын наадмын өмнө мөрөндөө бэртэл авсан тул тэмцээнээ өндөрлүүлэхээр болж, түлхэлттэй өргөлтийнхөө гуравдахь оролдлогоос өөрийн хүсэлтээр татгалзсан билээ. 

Тэгвэл Монголын хүндийн өргөлтийн холбооны Удирдах зөвлөлөөс Монгол Улсын гавьяат тамирчин Мөнхжанцангийн Анхцэцэгийн 17 жилийн хөдөлмөр зүтгэл, үзүүлсэн амжилтуудыг өндрөөр үнэлж 3 өрөө орон сууцаар шагналаа.