Франц Улсын нийслэл хотноо явагдаж байгаа "Парис 2024" зуны XXXIII Олимпын наадмын чөлөөт бөхийн эмэгтэй 53 кг-ийн жинд ОУХМ Б.Хулан АНУ-ын бөх, 2022 оны Дэлхийн аварга Парриш Доминик Оливиатай дагах барилдаан хийнэ.

Мөн чөлөөт бөхийн эрэгтэйчүүдийн 86 кг -д Залуучуудын ДАШТ мөнгө, хүрэл медальт, ОУХМ Б.Бат-Эрдэнэ Дэлхийн аваргын мөнгө, хүрэл медальт Азербайжины бөх Осман Нурмагомедотой учраа таарна.

Чөлөөт бөхийн эмэгтэйчүүдийн 57 кг -д Ази тивийн хүрэл медальт, U23 насны Ази тивийн аварга ОУХМ Б.Хонгорзул “Ханжоу-2022” Азийн наадмын хүрэл медальт БНХАУ-ын Хун Кө Шиньтэй хүч үзнэ.