"Парис-2024" зуны олимпын чөлөөт бөхийн төрөлд МУГТ Д.Отгонжаргал хүрэл медалийн төлөө барилдаж, ялагдал хүлээсэн. МУГТ О.Насанбурмаа өнөөдөр өөрийн цахим хаягаараа дамжуулан "Д.Отгонжаргалд амьдралын баталгаа хэрэгтэй. Дэлхийн гурван медальтай тэрбээр өнөөдрийг хүртэл өөрийн гэсэн орох оронгүй явж байна" гэж мэдэгдсэн юм. 

Тэгвэл Дархан аварга Н.Батсуурь МУГТ Д.Отгонжаргалд хоёр өрөө байр бэлэглэж байгаагаа мэдэгдлээ. Тэрбээр "Олон улсад Чөлөөт бөхөөр улсынхаа нэрийг өндөрт өргөж яваа Д.Отгонжаргал дүүдээ 2 өрөө байр бэлэглэж байна. Дархан Аварга Батсуурь" гэжээ.