Олимпын наадмын гимнастикийн эмэгтэй багийн аварга шалгаруулах тэмцээн 2 хоногийн турш үргэлжилж дүнгээ гаргалаа. Дэлхийн шилдэг 8 баг өрсөлдсөн спортын гимнастикийн шигшээ тэмцээнд АНУ-ын баг тамирчид үнэмлэхүй аварга гэдгээ батлан харуулж 8 жилийн дараа олимпын наадмаас дахин алтан медаль хүртлээ. Харин мөнгөн медалийг Италийн шигшээ баг хүртсэн бол латин Америк тивээс төлөөлөн оролцсон Бразилийн охид түүхэндээ анх удаа олимпын наадмаас медаль хүртэж хүрэл медалийн эзэд болжээ. Тэд дэд байрт шалгарсан Италийн охидоос ердөө 0,900 гаруйхан оноогоор хоцорч 3 дугаар байрт шалгарснаар ямар их ирээдүй хүлээж байгааг батлан харуулсан юм.