"Парис 2024" олимпын наадмын жүдо бөхийн төрөлд өнөөдөр эмэгтэйчүүдийн 57 кг-д Сэлэнгэ аймгийн Зүүнхараа сумын харьяат, "Сүлд" спорт хорооны тамирчин Л.Энхрийлэн, эрэгтэйчүүдийн 73 кг-д Б.Эрдэнэбаяр нар өрсөлдөх билээ.

Эмэгтэйчүүдийн 57 кг-д дэлхийн хошой хүрэл медальт Л.Энхрийлэн эхний даваанд Косовогийн шигшээ багийн тугч, олимпын аварга (2020), ДАШТ-ий хүрэл медальт Нора Гяковатай учраа таарсан юм.

Улмаар Н.Гякова гурван торгуулиар хасагдсанаар Л.Энхрийлэн эхний ялалтаа байгууллаа. Тэрбээр дараагийн даваанд Германы Полин Старктай барилдахаар боллоо.

Эрэгтэйчүүдийн 73 кг-д Б.Эрдэнэбаяр эхний даваанд ДАШТ-ий алтан медальтай Швейцарын Нилс Стамптай хүч үзэх юм.