Богдхан уулын бунханд Турк, Монголын хамтарсан судалгааны баг археологийн малтлага, судалгаа хийж байгаа талаар "Анадолу” агентлаг мэдээлжээ.

Төв аймгийн нутаг дэвсгэрт орших Богдхан уул, Туул голын сав газарт дундад зууны үеийн нүүдэлчдийн булш, хөшөө дурсгалд малтлага хийж байгаа аж. Ингэхдээ Истанбулын их сургуулийн төслийн зохицуулагчдын нэг Курсат Йылдырым “Анадолу” агентлагт ярихдаа, "Бид гурван жилийн хугацаатай төсөл хэрэгжүүлэхээр төлөвлөсөн. Эхний жилдээ хамтарсан хээрийн судалгааны ажлын хүрээнд Богдхан уулыг малтаж байна. Энэхүү Туул голын сав газраас малтсан булш V-VIII зууны үеийнх. Мөн Хуанжуан, Гоктурк, Уйгурын үеийнх байж магадгүй. Энэ нь 10х10 метрийн хэмжээтэй дөрвөлжин булшны цогцолбор" гэжээ.

Түүнчлэн хамгийн түрүүнд гадаргын хэсгээс адуу, хонины яс олсон бөгөөд нэн даруй радиокарбонд шинжилгээ хийлгэхээр лаборатори руу илгээсэн байна. Судалгааны үр дүн болон малтлагын тайланг монгол, турк хэл дээр хэвлэх аж.