Олимпод ажиллаж буй гэрэл зурагчид дундаас шилдгийг тодруулах "Canon Olympic Day One" фото зургийн уралдаанд монгол зурагчин Ч.Ганбатын бүтээл онцгойров. 

"Парис 2024" олимпын наадамд 45,000 сайн дурынхан ажиллаж буй. Тэдний хоёрынх нь зургийг мөнхөлсөн манай зурагчны бүтээлийг шилдгээр өргөмжилжээ. 

Энэ удаагийн олимпод Монголоос сэтгүүлч Ж.Отгонцагаан, Ж.Цэцэгмаа, гэрэл зурагчин Ч.Ганбат, Д.Нямбилэг нар ажиллаж байна.

Парисын олимпод 1,300 гаруй спортын сэтгүүлч, хэвлэл мэдээллийн байгууллагын арын албаныханд зориулан "Media Village" барьсан билээ.

iKon.mn сайт олимпод оролцох Монголын тамирчдын мэдээлэл, цагийн хуваарь, үр дүнг багтаасан "Парис 2024" тусгай хуудсаа нээгээд байна. Уншигч та цагийн хуваарь дээр дарж манай улсын аль тамирчин, хэдний өдөр, хэдэн цагаас өрсөлдөхийг харах боломжтой.