17:24 2024/07/12

Төв аймгийн Өндөрширээт сумын харьяат улсын начин Д.Хүдэрбулга зургаагийн даваанд аймгийн арслан Л.Энхсаруулыг давж, УЛСЫН ХАРЦАГА цолын болзол хангаж байна.

Түүнчлэн улсын аварга П.Бүрэнтөгс тус даваанд аймгийн арслан М.Амарсанааг өвдөг шороодуулав. Мөн улсын аварга О.Хангай аймгийн арслан Д.Төрболдыг давлаа.

16:58 2024/07/12

Зургаагийн даваанд улсын заан М.Лхагвагэрэл Говь-Алтай аймгийн Дэлгэр сумын харьяат аймгийн арслан Т.Сайханжаргалд өвдөг шороодов. 

Ийнхүү Т.Сайханжаргал улсын харцага цолын болзол хангаж байна. 

Түүнчлэн улсын харцага Г.Ганхуяг цолоо батлав. Мөн даян аварга Н.Батсуурь улсын заан Б.Пүрэвсайханыг амлан авсан. Гэвч Б.Пүрэвсайхан бэртлийн улмаас барилдсангүй. 

16:44 2024/07/12

Төв аймгийн Баянчандмань сумын харьяат улсын начин Э.Ууганбаяр улсын начин цолын болзол хангасан аймгийн арслан Э.Мөнхжаргалыг өвдөг шороодуулав. Ингэснээр УЛСЫН ХАРЦАГА цолын болзол хангаж байна. 

16:34 2024/07/12

Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмын бөхийн барилдааны зургаагийн даваа эхэллээ. 

Тус даваанд гурван улсын аварга, нэг улсын арслан, хоёр улсын заан, нэг улсын харцага, хоёр улсын начин, долоон аймгийн арслан цолтон барилдана.