Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадам өнөөдөр /2024.07.10/ хязаалан насны морины уралдаанаар эхэлж байна. Яг одоо Хүй долоон худагт хязаалан насны сэрвээний өндрийг хэмжиж байгаа юм. 

08:00 цагаас эхэлсэн Үндэсний шагайн харвааны насанд хүрэгчдийн багийн харваа, хэсгийн тоглолтоор үргэлжилж байна. Харин үүний дараа 12:00 цагаас Шүдлэн насны морьд уралдана. Үндэсний их баяр наадмын үеэр хурдан морьд зургаан насны ангиллаар уралдах бөгөөд унаачид нь долоогоос 12 насны хүүхдүүд байдаг.