Өчигдөр Хан-Уул дүүргийн 18 дугаар хорооны нутаг Academy-2 хотхонд "Цонхоор хүүхэд унах гэж байна" гэсэн дуудлага бүртгэгдсэн байна. Дуудлагын дагуу онцгой байдлын албан хаагчид очиход гурван настай хүүхэд гэртээ цоожлогдсон байдалтай, дөрвөн давхрын тагтны цонхоор унах гэж байсныг нь эсэн мэнд аварч ээжид нь хүлээлгэн өгчээ. Энэ мэт сүүлийн үед хүүхэд өндрөөс унах гэж байна, гэртээ цоожлогдсон гэх дуудлага онцгой байдлын газарт их бүртгэгдэж байгаа тул эцэг эхчүүд, асран хамгаалагчид хүүхдэдээ тавих хараа хяналтаа сайжруулахыг мэргэжилтнүүд анхаарууллаа