Өвөрхангай аймгийн Сант сумын АН-ын дарга нас барсан харамсалтай хэрэг гарчээ. Тодруулбал, өчигдөр буюу зургадугаар сарын 15-16-нд шилжих шөнө “Сант суманд гадны нөлөөтэй хүн нас барлаа” гэсэн дуудлага, мэдээлэл цагдаагийн байгууллагад иржээ. Дуудлагын дагуу шалгалтын ажиллагаа явуулахад Сант сумын Ардчилсан намын дарга Б нь гадны нөлөөтэй амиа алдсан байж болзошгүй нөхцөл байдал тогтоогджээ. Хэргийг Өвөрхангай аймгийн Цагдаагийн газар шалгаж байна.
Орон нутгийн 2020 оны сонгуулиар Өвөрхангай аймгийн Сант суманд АН ялалт байгуулсан байна. Харин тус сумын намын дарга бөгөөд сумын засаг дарга бусдын гарт амиа алдсан хэрэг улс төртэй холбоотой байж магадгүй байна. Учир нь зарим албан бус эх сурвалжийн мэдээлж буйгаар, улс төрийн намын нэгэн этгээд амь хохирогчийг "чи яагаад манай намын уулзалтыг сонсоод байгаа юм" хэмээн талдцаж, амь насыг нь хохироосон байж магадгүй байна.