“ХУДЭМТ”-д хэвтэн эмчлүүлж байсан 50настай эмэгтэй Д гэгч нь хоёр давхраас унасан гэх мэдээлэл 2024.06.13-ны 01:30 цагийн орчимд цагдаагийн байгууллагад бүртгэгджээ. Хэргийг одоогоор ХУД-ийн цагдаагийн нэгдүгээр хэлтэс шалгаж байгаа аж. 

Талийгаач тус эмнэлэгт хэвтээд 3 хонож байсан бөгөөд жижүүр сувилагч эмчийн хяналтаас хол хаалганы цаана хэвтэн эмчлүүлж байсан гэнэ. Өндрөөс унаж бэртэх үед ХУДЭМТ-ийн гэмтлийн эмч толгойд нь оёдол тавиад ГССҮТ-рүү шилжүүлжээ. 

Хэрэг гардаг шөнө ХУДЭМТ удирдлагагүй байсан бөгөөд дарга А.Сувдаа нь 30 ажилтнаа дагуулаад Солонгос улсад явж байсан үеэр энэхүү харамсалтай хэрэг гарчээ. Яаралтай арга хэмжээ авах нөхцөл бүрдсэн байсан цаг үед удирдлагаар хангаж чадаагүй А.Сувдаа дарга тухайн үед ажиллаж байсан эрчимт эмчилгээний тасгийн эмч нараа хариуцлагаа өөрсдөө үүр хэмээн зандарч яваа сурагтай. Мөн А.Сувдаа ХУДЭМТ-ийн даргаар томилогдон очоод хүлээн авах дээр яаралттай тусламж үзүүлдэг гурван эмч байсныг болиулж нэг эмч гаргадаг болгон өөрчилжээ. Шалтгаан нь илүү цагийн мөнгө их бодогдож байна гэх үндэслэлээр ганцхан эмчид бүх ачааллыг үүрүүлдэг болсон байна.