Малайзын Куала Лумпур хотод байрлах Азийн Хөлбөмбөгийн Холбоо (АХХ)-ны төв байранд U20 болон U17 насны Азийн Цомын төлөөх тэмцээний сугалааны үйл ажиллагаа өнөөдөр боллоо.

Шар тивийнхэн нас насны ангиллынхаа тэмцээнд нийт 10 хэсэгт хуваагдаж хэсгээс цааш шалгарах боломжийн төлөө өрсөлдөнө. Улмаар шилдэг 16 баг дараагийн шатанд шалгарснаар 2025 онд тивийн цомын төлөө хүч сорих юм. 

Монгол Улсын U20 насны шигшээ баг Иран, Лаос болон Энэтхэг улстай нэг хэсэгт орлоо. G хэсгийн тоглолт Лаост болно.

Мөн U17 насны шигшээ баг Япон, Катар, Балбатай нэг хэсэгт өрсөлдөхөөр болжээ. Энэ хэсгийн тоглолтыг Катарын хөлбөмбөгийн холбоо нутагтаа зохион байгуулахаар төлөвлөжээ.