Монголын Зэвсэгт хүчний Тусгай хүчний цэрэг, Өмнөд Солонгосын Тусгай хүчний цэрэгтэй хамтарсан хээрийн сургалт, дадлага хийж байна.

Хоёр орны найрамдалт харилцааг бэхжүүлэх, бүс нутгийн энх тайван, аюулгүй байдлыг хангах, цэргийн хамтын ажиллагаа, итгэлцлийг бэхжүүлэх, харилцан туршлага солилцох, Тусгай хүчний цэргийн чадавхыг нэмэгдүүлэх зорилготой хамтарсан бэлтгэлийн нээлт өнгөрөгч даваа гарагт болжээ. Тусгай ажиллагааны сургалтын төвд болсон энэ үйл ажиллагаанд Зэвсэгт хүчний Тусгай хүчний цэргийн командлагч бригадын генерал Б.Баатар, сургуулийн удирдагч Зэвсэгт хүчний 345 дугаар нэгтгэлийн захирагч хурандаа Б.Хаш-Эрдэнэ, Өмнөд Солонгосын цэргийн атташе хурандаа Пак Ин Чоль, Консул Шин Ги Жүн болон сургалтад оролцож буй хоёр улсын цэргийн алба хаагчид оролцсон байна.